ഡ​ൽ​ഹി​യി​ൽ 44 സ്‌​കൂ​ളു​ക​ൾ​ക്ക്  ബോം​ബ് ഭീ​ഷ​ണി; നി​ർ​വീ​ര്യ​മാ​ക്കാ​ൻ ആ​വ​ശ്യ​പ്പെ​ട്ട​ത് 30,000 ഡോ​ള​ർ; സ്കൂളുകൾ പൂട്ടി; സു​ര​ക്ഷാ ഉ​ദ്യോ​ഗ​സ്ഥ​ർ പ​രി​ശോ​ധ​ന തു​ട​രു​ന്നു

ന്യൂ​ഡ​ൽ​ഹി: ഡ​ൽ​ഹി​യി​ലെ 44 സ്കൂ​ളു​ക​ൾ​ക്ക് ബോം​ബ് ഭീ​ഷ​ണി. ഡി​പി​എ​സ് ആ​ർ​കെ പു​രം, പ​ശ്ചി​മ വി​ഹാ​റി​ലെ ജി​ഡി ഗോ​യ​ങ്ക എ​ന്നി​വ​യു​ൾ​പ്പെ​ടെ​യു​ള്ള വി​ദ്യാ​ല​യ​ങ്ങ​ൾ​ക്കാ​ണ് ബോം​ബ് ഭീ​ഷ​ണി. ഇ​ന്ന​ലെ രാ​ത്രി 11.38നാ​ണ് ഡ​ൽ​ഹി പോ​ലീ​സി​ന് ഇ ​മെ​യി​ലി​ൽ ഭീ​ഷ​ണി​സ​ന്ദേ​ശം ല​ഭി​ച്ച​ത്. ബോം​ബ് നി​ർ​വീ​ര്യ​മാ​ക്കാ​ൻ 30,000 ഡോ​ള​ർ (25 ല​ക്ഷ​ത്തി​ലേ​റെ രൂ​പ) ആ​വ​ശ്യ​പ്പെ​ട്ട​താ​യും പോ​ലീ​സ് പ​റ​ഞ്ഞു.

ഭീ​ഷ​ണി​യെ​ത്തു​ട​ർ​ന്ന് സ്കൂ​ളു​ക​ൾ അ​ട​ച്ചു. വി​ദ്യ​ർ​ഥി​ക​ളെ തി​രി​ച്ച​യ​ച്ചു. ഫ​യ​ർ​ഫോ​ഴ്‌​സ്, ഡോ​ഗ് സ്ക്വാ​ഡ്, ബോം​ബ് ഡി​റ്റ​ക്ഷ​ൻ ടീം, ​പോ​ലീ​സ് എ​ന്നി​വ​ര​ട​ക്കം സ്‌​കൂ​ളി​ലെ​ത്തി തെ​ര​ച്ചി​ൽ ന​ട​ത്തു​ക​യാ​ണ്.

കെ​ട്ടി​ട​ങ്ങ​ൾ​ക്കു​ള്ളി​ൽ ഒ​ന്നി​ല​ധി​കം ബോം​ബു​ക​ൾ സ്ഥാ​പി​ച്ചി​ട്ടു​ണ്ടെ​ന്നാ​ണ് ഇ ​മെ​യി​ൽ അ​വ​കാ​ശ​പ്പെ​ടു​ന്ന​ത്. കെ​ട്ടി​ട​ങ്ങ​ൾ​ക്കു വ​ൻ​നാ​ശ​ന​ഷ്ടം സം​ഭ​വി​ക്കി​ല്ലെ​ങ്കി​ലും നി​ര​വ​ധി ആ​ളു​ക​ൾ മ​രി​ക്കാ​നും അം​ഗ​ഭം​ഗം വ​രു​ത്താ​നും സ്ഫോ​ട​ന​ങ്ങ​ൾ​ക്കു ക​ഴി​യു​മെ​ന്ന് ഇ-മെ​യി​ലി​ലു​ണ്ട്.

സം​ഭ​വ​ത്തി​ൽ ഡ​ൽ​ഹി പോ​ലീ​സ് ഊ​ർ​ജി​ത അ​ന്വേ​ഷ​ണം ആ​രം​ഭി​ച്ചു.ഒ​ക്‌ടോ​ബ​റി​ൽ രോ​ഹി​ണി​യി​ലെ പ്ര​ശാ​ന്ത് വി​ഹാർ സെ​ൻ​ട്ര​ൽ റി​സ​ർ​വ് പോ​ലീ​സ് ഫോ​ഴ്‌​സ് (സി​ആ​ർ​പി​എ​ഫ്) സ്‌​കൂ​ളി​നു പു​റ​ത്ത് സ്‌​ഫോ​ട​നം സം​ഭ​വി​ച്ചി​രു​ന്നു. സ്‌​ഫോ​ട​ന​ത്തി​ൽ സ്‌​കൂ​ൾ മ​തി​ലി​നും സ​മീ​പ​ത്തെ ക​ട​ക​ൾ​ക്കും വാ​ഹ​ന​ങ്ങ​ൾ​ക്കും കേ​ടു​പാ​ടു​ക​ൾ സം​ഭ​വി​ച്ചു.